E wil di bida ta sigui drai. Konstantemente nos ta den moveshon, ku nos ko’i kareda. Pa duna un èkstra empuhe i sigui alsa e konsientisashon riba kon importante un seguro di entiero ta pa kada un persona fo’i chikí te grandi, djaluna último 21 di mei, Extura a organisá un evento deportivo pa skolnan di fundeshi. riba vèlt di atletismo na SDK.

Alumnonan di skol di fundeshi di Kolegio Sta Clara, Kolegio Cola Debrot, Kolegio San Dominico, Kolegio Dodo Palm i Kolegio Sta. Famia tabata tin e tarea pa traha nan ko’i kareda di mas kreativo i kore un distansia di 60 meter. Despues di un warming-up duná dor di e coachnan di Personal Training Curaçao i algun ròndu preliminar, e ganadónan di e kareda final a resultá:

• Thayshendrick Goeloe di Kolegio Dodo Palm na di 3 lugá
• Shedeyion Sirvania di Kolegio Sta. Clara komo di dos finalista
• Jeodry Martina di Cola Debrot komo promé finalista

Ganador absoluto a resultá Mervienne Dorothea di Kolegio San Dominico. Ku a bai ku e título maksimo i e cheque na balor di FL2000,- pa invertí na e skol.