Barika yen, pòtmòni kontentu! Subway ta redusí su preis di ‘Sub of the Day’

Willemstad- Novèmber 2013; Subway ta hasi introdukshon di nan menú nobo pa nan promoshon di ‘Sub of the Day’ anto ta redusí e preis! Esaki si ta un bon notisia pa tur kliente i amante di Subway; konosí pa su sèntwichnan fresku, saludabel i delisioso despues di e ‘hit’ di ofresé un foot long sèntwich grátis riba djadumingu, awor ta prepará pa bolbe ofresé su klientenan un promoshon di kita sombré. Saboriá Subway tur dia! Ku introdukshon di nan menú nobo pa e ‘Sub of the Day’, ta ofresé tur dia un delisioso sèntwich di 6 inch, prepará na bo smak, ku e berdura i sous ku bo ta deseá. Riba djaluna, Subway ta ofresé su popular Buffalo Chicken, riba djamars su Roast Beef sub, djarason e Seafood Sensation, djaweps su delisioso Blackforest Ham, djabièrnè ta drenta fin di siman ku e Turkey sub, djasabra ta e Subway Club i riba djadumingu ta ofresé e sabroso Meatball Marinara. Ademas di esaki Subway ta hasi e preis pa e ‘Sub of the Day’ mas skèrpi. Ántes e sèntwich faborito di tur dia tabata kosta Nafl. 7,50 inklusive OB, awor- su preis nobo ta únikamente 6,75 inklusive OB. “Miéntras ku kosto di bida ta subi, nos ke tene nos klientenan kontentu- e ‘Sub of the Day’ ta masha popular i ta un di nos produktonan mas gustá, manera nos ta bisa “Hasié Subway tur dia!”- pues awor ku aun mas motibu por hasi un stòp diario na e Subway mas serka di bo”, esaki di akuerdo ku Sr. Randy Maurera di Hucor Holding. Por agregá 3,75 inklusive OB i por hasi di e ‘Sub of the Day’ un ‘meal’- esaki ta nifiká ku ta agregá un limonada di 21 Oz, kuki òf chips- pa e total di apénas Nafl. 10,50. Pa esnan ku ta pensa aun mas saludabel por kambia e limonada pa un bòter di awa, grátis. E menú nobo pa e promoshon di ‘Sub of the Day’ ta balido desde awe. Bishitá e Subway mas serka di bo i kuminsá disfrutá.