COCA-COLA TA REGALA HOBENNAN DI UNDEBA 80 SAPATUNAN DI FUTBÒL NOBO

WILLEMSTAD – E hobennan di e ekipo di futbòl Union Deportivo Bándabou (UNDEBA) ta e proménan pa risibí regalo den kuadro di e selebrashon di 80 aña Curaçao Beverage Bottling Company (CBBC) i Coca-Cola na Kòrsou. Di e forma aki a marka e inisio di e kampaña ‘Tapa di Oro pa Mundial di Futbòl 2018 na Rusia’. Durante un seremonia animá, gerensia di CBBC a hasi entrega di sapatu deportivo na e hobennan di kategoria U13, U15, U17 i U20 di UNDEBA inkluí un bal i tas ofisial di Coca-Cola pa Mundial. Ku nan sapatunan nòps-nòps, opsekio di Coca-Cola, kada un di e hungadónan akí por sinti su mes un kampion mundial riba vèlt.

Premio na granèl

E kampaña ku Tapa di Oro di e refreskonan di CBBC, manera Coca-Cola, Sprite, Fria i Criollita, ta duna e chèns úniko pa gana diferente  premio en konekshon ku e Mundial di Futbòl – e evento deportivo di mas grandi na mundu. Durante e promé rifa dia 30 di mei 2018 próksimo, e partisipantenan di e kampaña ‘Tapa di Oro pa Mundial di Futbòl 2018 na Rusia’ por gana un biahe pa dos persona pa bai wak dos wega di Mundial di Futbòl 2018 na Rusia, tur kos inkluí. Hopi partisipante mas lo anotá gol den un yobida di premio durante un di dos sorteo, dia 16 di yüli, ganando un iPhone 8, PSP4 òf un flatscreen 49” Entregando sinku Tapa di Oro na CBBC ya bo ta partisipá na e rifanan ku tremendo premio. Ademas por kambia sinku Tapa di Oro, mas 10 florin pa un bala òf 7.50 florin pa tas di Coca- Cola. Dos Tapa di Oro mas 1 florin i 50 sèn ta duna bo un glas di Mundial di Coca-Cola. Pa mas informashon por bishitá nos página di Facebook/CocaColaCuracao, nos website www.tapadioro.com òf yama CBBC na 461 3311.

Boneiru

Boneiru no por keda afó: e kampaña ‘Tapa di Oro pa Mundial di Futbòl 2018 na Rusia’ ta bálido ei tambe. Tur hende por entregá nan Tapanan di Oro na Best Brands pa partisipá den e rifa pa eksperensiá dos wega di e Mundial di Futbòl 2018 na Rusia òf entregando sinku tapa mas $6.00 pa un tas òf $4.50 pa un bala di Coca-Cola, mientras por bai ku un glas di Mundial di Coca-Cola entregando dos Tapa di Oro i $1.00.  Pa mas informashon bishitá pagina di Facebook/BestBrandsBonaire, yama na +599 717 9010, òf pasa na Kaya Industria 29 pa mas informashon. Sinti e sensashon di Mundial di Futbòl 2018 na Rusia i di 80 aña CBBC i Coca-Cola, saboriando un Coca-Cola of kualke otro di e dushi refreskonan di CBBC bon friu i spar Tapa di Oro ku chèns di ta sintá riba tribuna eksperensiando un partido di Mundial di Futbòl 2018 na Rusia.