Global Month Of Service na Starbucks Aruba tambe

ORANJESTAD- APR 2018: Un di e misionnan di Starbucks den tur mercado ta di duna bek na comunidad dor di haci servicio- of actividadnan comunitario.  Starbucks ta mucho mas cu un marca, e ta un famia y un empresa cu un filosofia masha special.  Tur 4 sucursal di Starbucks a participa na e luna di servicio. Un ehempel di esaki ta esun di diabierna ultimo unda cu e crew di Starbucks hunto cu Starbucks Partners a bishita San Pedro Paviljoen cu un proposito unico. A pone man na obra y a haci e cura limpi di manera cu e grandinan tin mas espacio pa sinta pafo y disfruta di aire fresco. Naturalmente Starbucks a percura pa dushi koffie, te y algo di pasa boca. Riba fotonan adhunto un imprecion di e mainta contento na  San Pedro Paviljoen. Starbucks ta gradici tur su partnernan pa un biaha mas a colabora den forma fantastico na e Global Month of Service.