Fundashon Kas di Kultura Kòrsou den koperashon ku Ofisina di Turismo ta en buska di un organisashon kualifiká pa organisá sertámen Miss Universe Curaçao 2018 i tur evento rondó di e sertámen aki. Tareanan prinsipal ku mester keda ehekutá ta rekrutá, trein i prepará partisipantenan pa sertámen Miss Universe Curaçao 2018. Si bo ta deseá konsultá e “Terms of Reference” (TOR) detayá bo por pidi esaki na Kas di Kultura, Scharlooweg 29. Pa bin na remarke pa organisá Miss Universe Curaçao 2018, por fabor mail e siguiente informashonnan na kelleri@kasdikultura.cw  pa mas tardá djabièrnè 27 di aprel 2018.

Informashonnan rekerí :

1. Karta di rekomendashon;
2. Eksperensia den organisashon di Sertámen di Beyesa;
3. Eksperensianan previo;
4. Prueba di miembresia na Kámara di Komersio;
5. Organisashon mester disponé di un fondo finansiero pa por ehekutá preparashon di e kandidatanan pa sertámen Miss Universe Curaçao 2018.

Pa kualke informashon por tuma kontakto libremente ku sra. Keller na Kas di Kultura na 4347317/4347355 òf kelleri@kasdikultura.cw