Tur miembro ta risibí un cola grátis ku nan lunch

WILLEMSTAD – Kooyman Kafé den Kooyman Megastore na Jan Noorduynweg tambe ta ofresé Fun Miles. Miembronan ta spar 1 Fun Mile pa kada f 2,50 i por troka nan Miles(nan) pa un sukulento sèntwich, salada, kos di ches i te hasta un dushi plato di kuminda krioyo. Kooyman Kafé ta ideal pa take-out tambe; ta sirbi e kuminda den kaha ekológiko ku ta bon pa nos medioambiente. Komo introdukshon tur miembro di Fun Miles ta risibí un cola chikitu grátis (na balor di 3 florin), ku kada kompra di un lunch chikitu di f 12,50 (òf 625 Fun Miles).

Tokante Kooyman Kafé Jan Noorduynweg

Kooyman Kafé ta situá den Kooyman Megastore na Jan Noorduynweg. E ta un sitio masha agradabel pa kome mèrdia, pa chikí i grandi, ademas ta ofresé un menú hopi kumbiniente ku ta keda komplementá dor di un spèshel tur dia i naturalmente Wi-Fi grátis. Danki na Fun Miles miembronan por disfrutá èkstra. Kooyman Kafé ta habrí di djaluna pa djasabra di 7’or di mainta pa 6’or di atardi, i riba djadumingu di 9’or di mainta pa 1’or di mèrdia.

Fun Miles ta selebrá; sigui e FUN riba social media!

E aña aki, Fun Miles ta selebrá su 20 aniversario komo e programa di rekompensa mas grandi den Caribe i den 2018 tin un ‘salú ku bolo’ pa tur hende, den forma di hopi oferta, evento i promoshon. Si bo no ke pèrdè e ‘fun’ sigui nos riba social media. Fun Miles  ta spera di por keda eksplorá e ‘fun’ huntu ku Kòrsou pa hopi aña mas.

Mas informashon tokante Fun Miles?

Tuma kontakto ku servisio na kliente na number 465 3300 òf bishitá funmiles.net òf facebook.com/funmiles.