Huntu ku Curaçao International Film Festival Rotterdam

Willemstad- Curaçao Beverage Bottling Company (CBBC) i Coca-Cola, ta selebrando su 80 aniversario na Kòrsou. Den kuadro di esaki i komo patronisado ofisial di Curaçao International Film Festival Rotterdam (CIFFR) e aña aki, lo ofresé, huntu ku CIFFR, un evento speshal na pueblo i prinsipalmente hóbennan di Banda Bou riba djabièrnè 20 di aprel pa 7’or di anochi den Parke Himno i Bandera.

Esaki lo bira un tremendo anochi pa sinti e berdadero sensashon di 80 aña CBBC i Coca-Cola ku presentashon di e short film “Juni” krea pa hobennan di Joseph Civilis VSBO di Barber i produsí pa IBB, e gran pelíkula “Respeto” di CIFFR 2018, siguí pa un “rap battle” bibu, kwes ku premio i pa klousrá e anochi presentashon di Chaika i aktuashon di DJ Ramil. Entrada ta un sonrisa i un “bon vibe”

CIFFR, kada aña di nobo, ta ofresé Kòrsou un selekshon di pelíkula, ku e públiko afishonado di bon pelíkula lo no por a aspirá di mira na Kòrsou. E abundansia di bon pelíkula ofresé pa CIFFR ta komparabel ku e gran kantidat variashon di refresko ku CBBC ta ofresé pa satisfasé kada gustu i estilo di bida.

E aña aki banda di “Respeto”, di e produktor Alberto Monteras II, aklamá komo un di e mihó pelíkulanan di 2017, CIFFR ta presentá atrobe un gran kantidat di tremendo pelíkula. “Respeto” ta un pelíkula elektrisante ku ta konta bida di un hóben “Hendrix” ku ta kompetí den bataya di rap “underground.”

Bo mester tei riba djabièrne 20 di aprel pa 7or di anochi den Parke Himno i Bandera pa sinti e sensashon di 80 aña di CBBC i Coca-Cola na Kòrsou, saboriando un Coca-Cola òf kualke un di e otro refreskonan ku CBBC ta ofresé, bon friu.