Personanan ku ‘Downsyndrome’ lo modelá

Keep it 100 and Shine ta un organisashon presidí pa nos Vireina Hispano Amérika Akisha Albert, ku tin e meta pa pone lus positivo riba personanan ku ta wòrdu lubidá den nos komunidat.

T’asina ku tur aña di nobo un grupo di persona ta wòrdu skohé pa ‘shine’. E aña aki a toka turno pa mucha- i adultonan ku ‘Downsyndrome’. Pa promé biaha nan lo bai modelá riba pasarela aki na Kòrsou mustrando nan personalidat. E meta prinsipal ta pa trese konsientisashon riba tur e kualidatnan di tur e personanan aki. Durante di e show, tur e partisipantenan lo keda kompañá pa un selebridat lokal.

“Down Right Down Perfect” ta nòmber di e show di moda ku lo tuma lugá djadumingu dia 22 di aprel próksimo na Renaissance hotel di 6or pa 8or di anochi. Karchinan ta kosta solamente 21 florin i ta optenibel na Fundashon Totolika, Boutique Eline i tambe serka Tatiana na 560-8649.

E parti úniko di e evento aki ta ku tur entrada ku generá, lo bai pa Fundashon Totolika!