E di dos wega ‘best out of three’ ta primintí di bira kayente!

WILLEMSTAD: Banco di Caribe ta invitá fanátikonan di basketbòl pa awe, djaweps anochi ora ku BdC Warriors Senior bolbe topa NETS. E wega aki, mihó di 3, ta forma parti di e kampionato di CuBaFe. Djasabra último BdC Warriors Senior a gana NETS ku skor di 42-38 ku ta nifiká ku si awe nan gana e partido, nan lo avansá den e kampionato. Manera tur hende sá, Banco di Caribe pa 10 aña kaba ta sostené ekipo di basketbòl BdC Warriors i ta hasi esaki pa stimulá desaroyo positivo di e deporte di basketból na Kòrsou. Ta invitá fanátikonan di deporte pa akudí awe nochi na SDK; wega ta kuminsá 9’or di anochi.