WILLEMSTAD – E siman aki di 9 pa djabièrnè 13 di aprel, Tele Aruba lo ta bibu ku 3 Programa di televishon di mainta: Nos Mainta. E biaha aki e lokashon lo ta aki na Kòrsou. E programanan su meta ta pa Promové Turismo, Kultura i Folklor di Kòrsou. E kompania Priceless Moment Productions and Events di Kòrsou ta asistí Tele Aruba den e produkshon.

For di fin di siman pasa e delegashon di Tele Aruba ta na Kòrsou, kaminda nan a realisá vários entrevista den kuadro di preparashon di e tremendo programanan ku lo keda transmití bibu i direkto for di Kòrsou.

•   Djaluna 9 di Aprel 2018 for di Lanthùis Chobolo di 9 or di mainta pa 11 or di mainta
•   Djarason 11 di Aprel 2018 for di Lanthùis doktersuin di 9 or di mainta pa 11 or di mainta o
•   Djabièrnè for di 13 Aprel 2018 Mambo Boulevard / Madero di 9 or di mainta pa 12 or di mèrdia

  Komo invitado den e programa aki lo tin entre otro Minister di Ekonomia i Turismo di Kòrsou Dr. Steven Martina i tambe representantenan di Curaçao Culinair 2018, Sr. Gregory Elias di Fundashon Bon Intenshon, Velas Latinoamérica Curaçao 2018, Roy Colastica, Gilbert i Noris Doran, Rey di Tumba 2018 Urvin Yano i vários otro invitado mas.

  E dos presentadónan di e programa aki ta Siomara Everon i Tito Doran.

  Aki na Kòrsou por sigui e transmishon via di e página di Facebook di;

  Nos Mainta – Telearuba, Telearuba i tambe Priceless Moment Productions and Events. Tambe por download e app di Telearuba via di Appstore i/of pa Android via di Playstore.

  Kòrsou e siman aki lo ta den spotlight den e programa Nos Mainta na Tele Aruba.