No perde diabierna y diasabra awor

ORANJESTAD– APR –Disfruta di Spanish Cuisine manera nunca antes! Renaissance Aruba Resort ta invitabo haci un biahe culinario pa ciudadnan, manera Madrid, Barcelona, Valencia y Seville cu ta pone accento den cada plato tipico di Spaña. E parentesis den Olé – Spanish Pop Up, lo ta e menu crea dor di Chef Jose Luque, cu lo ta na Aruba directamente for di Madrid y specialmente pa Olé.

Chef Jose Luque su experencia ta vasto y ta varia for di director culinario na hotelnan 5 strea, pa restaurantnan di renombre cu ta ofrece Gourmet, Mini-Cuisine, Signature Tapas, Spanish and International Haute Cuisine y mucho mas, realmente un curiculo vitae impresionante cu ta keda respalda pa mas di 25 aña di experiencia culinario.

¡Olé! Tapas & Sangria

Renaissance Aruba ta realmente crea un expectativa pa cada Pop-Up, e amante di gourmet, cuisine of tapa’s ta encanta cu e concepto aki. Diabierna dia 6 di April y diasabra dia 7 di April proximo Chef Jose Luque lo ta na cabes di e team culinario di Renaissance Aruba Resort pa presenta Olé – Spanish Pop Up. Un plato Spaño no ta completo sin un dushi Sangria, ta p’esey a percura pa tur accento culinario ta presente den cada plato cu wordo sirbi riba e dianan di Olé. 

Pa dianan 6 y 7 di April proximo sinta y disfruta den grupo di amigo(a) di tapas y un dushi Sangria, of scoge for di e menu-a-la-carte cu ta inclui diferente plato tipico di Spaña y naturalmente e specialidad di Chef Jose Luque, e Paella cu lo wordo sirbi di galiña of seafood! Olé – Spanish Pop Up lo ta habri for di 12’or di merdia pa 10’or di anochi- lo sirbi lunch y dinner. Pa mas informacion por yama e Renaissance Navigator na 523.6115 of bishita Facebook/RenaissanceAruba/events pa e menu di Olé – Spanish Pop Up.