Diasabra ultimo a paga e bunita luznan di Renaissance pa un bon causa

ORANJESTAD- Maart- Diasabra ultimo tabata e di 7 aña consecutivo cu Renaissance Aruba Resort & Casino a paga diferente di su luznan durante ‘Earth Hour’. Pa 8or y mei di anochi, ora local tur cu a frecuenta e area di Renaissance Aruba Resort & Casino a tuma nota di un scuridad no usual. A paga e luznan parti dilanti di Renaissance Mall, Marina Hotel (spotlight blauw na entrada), entrada di Renaissance Marketplace (CILO te cu Seaport Casino), e Boulevard strip (Renaissance su lanternanan), Toren di Crystal Casino y e luz di ‘Seaport Casino’ ariba dak como sosten na ‘Earth Hour’ 2018.

Tocante Earth Hour:

Un evento mundial organisa pa World Wide Fund of Nature (WWF) como conscientisacion ariba varios problema den nos medioambiente. ‘Earth Hour’ a tuma lugar diasabra dia 24 di maart ultimo y  ta marca inicio di April cu ta e luna di “Conscientisacion riba Medioambiente”.  ‘Earth Hour’ a bira e evento di conscientisacion mas grandi na mundo unda cu ta motiva comunidad, empresanan  y gobiernonan pa carga responsabilidad y yuda yega na solucionnan practico pa drecha nos medioambiente. Ta haci esaki dor di paga luz- durante di 1 ora- di diferente edificionan prominente of puntonan cu ta destaca den un pais. Aruba tambe a participa grandemente na esaki diasabra ultimo.