Tur kos ta kla pa nos selekshon nashonal enfrentá e selekshon di Bolivia mañan, 23 di mart, 8’or di anochi den Stadion Ergilio Hato. Esaki durante e promé di e 2 enkuentro nan ku nos selekshon tin na kaminda. Djaluna 26 di mart e segundo partido lo tuma lugá na Stadion Ergilio Hato pa 8’or di anochi. Karchi nan pa e promé enkuentro di mañan 23 di mart, lo ta optenibel mañan solamente na FFK i na e lokèt nan di SDK promé ku wega.

Karchinan pa e di 2 enkuentro si lo ta optenibel na demas puntonan di benta ku ta; Botika Mampuritu, Beep Beep, 4^th of July snèk na Barber, pòmp di gasolin Santa Maria i serka Elton John Sophia na 5692121.

E preisnan pa e diferente paketenan pa sekshonnan ta lo siguiente:

• VIP ta kosta Fl.250,- pa ámbos partido i Fl.150,- pa un partido (inkluso konsumo);
• Bou di tribunanan kubrí ta Fl.50,- pa ámbos partido i Fl.30,- pa un partido
• Tribunanan no kubrí ta Fl.30,- pa ámbos partido i Fl.20,- pa un partido
• Mucha te ku 12 aña ku 60+ ta paga Fl. 15,- pa ámbos partido i Fl.10,- pa un partido den sekshon general

Kòrda ku portanan ta habri for di 5’or di atardi…yega trempan pa evitá e tráfiko! Nos a kaba di risibí un kolekshon nobo di e suèternan original di marka Nike, optenibel na kolo blanku i blou na balor di Fl.75,-. Tambe nos a sobra e famoso shalnan di nos selekshon na balor di Fl.25,-. Ámbos optenibel na FFK bou di ora di ofisina.

Pasa buska di bo pa asina bo bin sostené i apoya nos hungadónan. Karchinan ta bayendo manera pan kayente! Hasi lihé kumpra di bo pa bo no lamentá despues! Reservá djabièrnè dia 23 i djaluna 26 di mart pa bo ta den stadion Ergilio Hato komo e number 12 sosteniendo nos selekshon nashonal, e kampion nan di e Scotiabank Caribbean Cup 2017.

Nos ta topa!!