E organisashon di Pittsburgh Pirates a mustra interes den Tilsaimy Melfor i a firma e prospekto yu di Kòrsou. Tilsaimy ‘Tili’ Melfor a firma riba djaweps 22 di mart 2018 ku Pittsburgh Pirates.

Pronto Tili lo biaha pa Santo Domingo pa e kuminsa ku su preparashon. Tili ya tabata keda siguí pa varios organisashon, pero durante di e delaster try-out ku Pirates, el a impreshoná e direktor di Latino-Amerika, sr. Junior Vizcaino i riba e dia ei mes a sera un dil ku e organisashon. Tili ta djòin e rumannan  Sherten i Shendrick Apostel ku ta lusiendo hopi bon i aparte ta demostrando un karakter ehemplar. Tili tin un trayektoria di ya 77 homerun. Despues di un trayektoria di baseball, riba diferente nivel, kuminsando for di T-ball, Tili a hunga den diferente selekshon lokal i a partisipá na kampionatonan internashonal. Tili a profilá bou di guia di Frank Curiel i Vernon Isabella. Pa entrevista i pregunta por tuma kontakto ku su tata, sr.  M. Melfor riba number di telefon 5130927