Danki na tur artista, sponser i amante di arte

Willemstad – E di dos edishon di ART X organisá pa Curaçao Lions Club pa rekouda fondo pa Ronald McDonald House Charities Curaçao (RMHC) i otro pryektonan di e klup di servisio. Mas di 25 artista lokal entre otro Ariadne Faries, Joanne den Dulk, Phillipe i Giovanni Zanolino, Papy Adriana, Carlos Blaaker i Michèle Russel Capriles a partisipá ku diferente tipo di arte. Inovashon e aña aki tabata benta di eksperensianan artístiko (art experiences) ku a resultá tambe masha éksitoso. Por menshoná entre otro un workshop di pinta pa grupo serka Andre Nagtegaal, les di tango serka Sinohé Oomen, workshop serka ganadó di Grammy Award Pernell Saturnino, photoshoot di Brett Russel i asta un pintura riba muraya (mural painting) pa sea kas òf ofisina di Francis Sling.

Tres yu di Kòrsou prominente pa partispá den e sekshon titulá “Pinta pa un bon kousa” (Paint for a Cause). Huntu ku Carel Rink e artista ku a krea Goatchi, nan a krea un Goatchi úniko, ku a keda bendí pa generá fondo pa RMHC. Ta trata aki di sr. Eugene Rhuggenaath, Promé Minister di Kòrsou, sra. Anuschka Cova Presidente di CIFA i Sr. Luigi Virginia partner di HBN Law. Huntu nan Goatchi’s a generá mas ku 10 mil florin.