Willemstad – Pa medio di e komunikado aki CRKSV Jong Colombia ke pone atenshon na un gran logro ku e club a lográ den pasado na aña 1968. Awe nos ta honra e logronan di nos club ku hopi orguyo I balor mirando ku e fuente pa konstruí un futuro stabil i duradero pa nos club ta basá riba nos pasado, nos logronan pero tambe nos desafionan.

Na aña 1968 CRKSV Jong Colombia a bira kampion di ’Sterrencompetities’ I tambe a sa di koroná su mes komo ‘kampion di Caribe’. Jong Colombia a sa di bai ku e viktoria maksimo I bira kampion di Caribe ku un tim bon balansá. Un tim ku ta konsisti di e sigiente hungadónan: Eyo Constansia, Virgilio Constansia, Elsio Martina, Ibi Martina, Oswin Escolastica, Frank Victoria, Carlos Constansia, Erick ‘kachubi’ Martina, Salomon Martinus, Francisco Bernadina, Bambo Bonifacio, , Antonio ‘Papi’ Martina, Carlos Constansia, Wanche Obispo, Criseldo Constansia, Hose Martha, Wilfred ‘Yu’ Zimmerman, Harold ‘Oy’ Constansia i Hildoso Martinus. Tambe nos lo ke para ketu na e staf I maneho tabata konsistí di Andres Constansia, Nelson Straker I Sony Haseth. Sin eksepshon di esnan ku lamentablemente ya no tei mas ku nos: Hose Constansia, Wilfred “Kè” Constansia I Antonio “Toni” Bonifacio i miembronan di staf; Hose Zimmerman, Bubuchi Zimmerman I Edgar Zimmerman.

Jong Colombia ta rekonosé club Scherpenheuvel ku tambe a partisipa na ‘Kopa Antiyano’ na aña 1968. Pa ku e ‘Sterrencompetitie’ di 1968 e tres clubnan ku tabata mas haltu riba e table di puntuashon ta Jong Colombia, Scherpenheuvel i SUBT.

Pa konmemorá e fecha aki, Jong Colombia a pone un santo di sakrifisio di misa djadumingo, 18 di mart 2018 pa 8 or di mainta, na kapѐl Boka Sami.

Nos ke gradisí nos grandinan ku a sa di mustra nos ku perseveransia, determinashon, focus I union nos lo por logra nos metanan komo un tim.

Ku saludos deportivo,