E futbolista profeshonal Shuremy Felomina a pasa mesora den e selekshon A di Kozakken Boys. Debí na e bankarota di  Achilles’29 BV  e hungadó di defensa di 22 aña ta liber pa pasa over na un club nobo. E tabatin un kòntrato te ku fin di e temporada i a pasa mesora bou di e derechonan di e 2do divishon di e tim di Werkendam. Shuremy Felomina a kuminsá hunga bala den Jong Holland. Despues ku ela muda pa Hulanda ela hunga pa FC Den Bosch, LONGA, KFC Houtvenne (België) i Gestel. Por último na komienso di e temporada tras di lomba e tabata forma parti di Achilles’29. Shuremy ta bira e di 3 Kurasoleño huntu ku Quentin Jakoba i Juriën Gaari ku Kozakken Boys tin komo hungadó internashonal.