Sosten na Kantadó Mayó 2018

WILLEMSTAD, Mart 2018 –  Nos komunidat ta den ambiente di Seú. Ya kaba e promé anochinan preliminar ta tras di lomba i ta preparando pe anochi final di djasabra awor. E aña aki ta promé bes ku Nagico Insurances ta forma parti di e selebrashon kultural i ta hasi esaki ku hopi entusiasmo. Despues di e gran éksito di Nagico den Karnaval 2018, tabata tin hopi espektativa pa mira kiko Nagico lo bin kuné pa sobrá aña.

Nagico Insurances ta e kompania di seguro ku mas a bin ta krese na Kòrsou últimamente i e patrosinio na e.o Kantadó Mayó 2018 ta un di e maneranan pa gradisí Kòrsou i alabes aportá na e evento kultural!  E ‘Kambia i Spar 15% ku Nagico’ a dal pega duru! Esaki ta e temporada ku nos tur mester paga number di outo i hopi ta esnan ku ta konsiderando un kambio, pa un mihó preis i un mihó kobertura. Nagico Insurances ta bo mihó opshon.

Direktor di Nagico Insurances sr. Johannes William ta masha kontentu di por aportá na e temporada kultural aki. “Nos ke deseá tur partisipante di Kantadó Mayó hopi éksito, i e gruponan ku lo ta partisipando na e Marcha den Aprel próksimo tambe hopi éksito ku e preparashonnan”. Ademas di ta patrosinadó di Kantadó Mayó 2018, Nagico Insurances ta konfirmá partnership ku Dreams ku lo ta kompañando Grupo Union Palida i tambe ta duna un aporte na Grupo Wapa Pa Nos Bai pa nan partisipashon den Marcha di Seú 2018.  Pa mas informashon pa mira kon abo tambe por ‘Kambia i Spar’, bishitá ofisina di Nagico na Dr. H. Fergusonweg #10 òf yama 738.822. Nagico Insurances ta habrí nònstòp for di 8’or di mainta pa 5’or di atardi.