Kampaña di TDS a resultá un éksito rotundo!
Despues di hopi dia di propaganda e gran kampaña di “Ban Romeo Santos ku TDS”a yega su final. Ayera 5 di mart den e programa GOSTOSO ku Maristella Koeiman na TCFM, a anunsiá e ganadó di e pakete pa 2 persona bai Orlando, FL. ku tur gastu paga pa gosa di e tremendo konsierto di Romeo Santos, GOLDEN TOUR, LIVE.
Manera pa algun siman a wòrdu propaganda kaba, e kanal ku a yega i kue popularidat, “Kanal NOSTALGIA” kanal 77 di TDS, ku ta pasando novelanan ku ta hiba tur hende den pasado i ta laga bu biba e nostalgia di añanan 80, a rifa un pakete pa 2 persona por bai Orlando di 11 pa 14 di mart próksimo ku tur gastu paga, pa asina 1 miembro di TDS mas 1 akompañante por gosa di e konsierto di Romeo Santos den AMWAY Center aya na Orlando.
E kampaña tabata dirigí riba tur kliente ku a tuma e spesial di ANG25.00 pa 3 luna, di e pakete di NOSTALGIA, kanal 77, i e kliente apart di risibí ANG5.00 di deskuento, tambe ta risibí un lòt pa gana e premio grandi di TDS.
Tómbola tabata hopi yen i despues di tantu suspenso a yama e ganadó, “live” den e programa menshoná, ku na 3 okashon no a kue telefòn. Pero ora un kos ta p’abo, nada no ta kit’e for di bo i na e di 4 okashon Sra. Nachaira Anastasia a kue e telefòn pero nunka a pensa ku e tabata e felis ganador di e pakete pa bai e gran konsierto aki.
A hasié hopi pregunta, lag’e kuminsá papia di tur e novelanan pa poko poko indik’é ku e ta e felis ganador di e gran premio máksimo.
Sra. Anastasia no por a kere su oidonan ora a informe ku ta e a “GANA”!
TDS a primintí i un biaha mas e ta kumpli, pues Sra. Nachaira Anastasia ta e felis ganadó di e gran premio p’e presensia e “GOLDEN TOUR” di Romeo Santos na Orlando, i próksimamente tur hende por sigui e ganador riba e página di Facebook di TDS “TDS Highlights” òf tambe esun di Instagram, TDSCURACAO.
Lo bai kubri henter su estadia ayanan pues Kòrsou kompletu prepará boso pa mira kiko TDS a regalá 1 kliente ku a hasi uso di un kampaña grandi atrobe di TDS.
Keda pendiente pa mas kampaña di TDS, paso TDS ta i lo keda ESUN DI NOS 4 LIFE! Pabien na Sra. Nachaira Anastasia ku sigur sigur lo no lubidá henter e eksperensia aki.