ORANJESTAD– Aruba ta cla pa celebra un otro Pasco, e celebracion na unda famia, amistadnan y coleganan ta bini hunto pa disfruta di platonan sukulento den un ambiente di goso y union. Renaissance Convention Center tey pa haci e celebracion di Pasco y fin di aña uno inolvidabel. Dia 18 di December proximo di 8’or di anochi pa 1’or di marduga regala bo mes, henter bo famia, amigonan y sernan queri un ‘Christmas Gems 2013 Dinner and Dance Party’ cu platonan exkisito den un ambiente di Pasco unico y excepcional. Renaissance Convention Center lo bay e ‘extra mile’ pa complace tur cliente, pa e motibonan aki a scoge pa brinda  diferente ‘stations’ pa e cliente por scoge y traha su propio combinacion. Ademas di esaki lo agrega decoracion di Pasco, corespondiente na e tema di ‘Christmas Gems’ manera tur hende ta custumbra cu’ne di Renaissance Convention Center. E “Christmas Gems 2013 Dinner and Dance Party” ta costa unicamente Awg 75,= pa persona incluyendo service charge.  E ‘dinner party’ lo ta ekipa cu un Bread Station ofreciendo e.o Ciabatta, Focaccia, tambe lo tin un Salad Bar cu lo ofrece Caribbean Seafood Ceviche, Crab Salad y Suls Criollo. Pa entrada a prepara e.o Top Round Beef, Keshi Yena di galiña, Seafood Stew y mucho mas. E Soup Station lo ta bon presenta cu e.o e popular Pumpkin Soup y Seafood Chowder, tambe lo tin e Carvin Station cu lo ofrece un delicioso Roast Pork, Glazed Virginia Ham y Roast Turkey, finalmente un Dessert Station sumamente varia cu e.o bolo di cashupete, chateau, strawberry cheesecake y mucho mas. Lo tin ambiente varia di agrupacion musical D’licious y Dj Edson cu lo hiba tur hende den decada ’80. Ta bon pa menciona cu tur prijs na e cash bar lo ta na florin. Tur esunnan cu ta desea di reserva por tuma contacto cu; Magaly Willems na; 523-6404 of Sue-Anne Fortin na; 523-6403  Renaissance Convention Center ta cla pa brinda henter pueblo di Aruba un experiencia navideño excepcional. Haci bo reservacion lihe!