Fanátikonan di futbòl merikano ta topa dia 4 di febrüari:

Willemstad – JAN – Fanátikonan di futbòl merikano ta pendiente pa ‘Superbowl’. Anualmente esaki ta un akontesimentu hopi grandi, no únikamente pa e fanátiko di deporte pero tambe pa e show ku tur aña di nobo ta keda presentá den ‘half time’. E aña aki Justin Timberlake lo ta e artista invitá. Dia 4 di febrüari próksimo lo tuma lugá e di 52 edishon di Super Bowl, e aña aki na Minneapolis, Minnesota. Djòin e ambiente na Blue Bar den lòbi di Renaissance Resort òf parti ariba na Infinity Beach Bar & Grill, na unda lo pasa e ‘Superbowl’ bibu!

Lo tin un ‘kick-off- 2 for 1 Happy Hour’ riba bebidanan selektá, 1 ora promé ku e wega kuminsá, ya tur hende ta den bon ambiente! Pa gruponan grandi tin un promoshon riba serbes Presidente, Heineken, Bright i Polar di ‘kumpra 5 bai ku 6’. Tambe lo tin pasapalu grátis durante ‘half time’. Disfrutá di ‘Superbowl’ ku bo amigunan di deporte òf djis pasa un ratu ameno. No lubidá parkeo ta grátis den garashi di Renaissance Resort. Pa mas informashon por yama 435.5000