WILLEMSTAD – Djarason anochi dia 31 di yanüari Fun Miles a selebrá su di 20 aniversario ku un ambiente tur afó na Brakkeput Mei Mei. Koleganan, partner i vários invitado mas a disfrutá di entretenimentu, diferente spich i naturalmente kos di kome i bebe. A traha tempu pa un ‘trip down memory lane’, esaki via di un video ku a relatá e historia di Fun Miles. Den un ambiente masha ameno a kòrda hopi momentunan bunita; tabata 20 aña di hopi éksito pa Fun Miles, na unda ku e empresa a krese i bira e programa di spar i troka mas grandi den region Karibe, ku mas ku 160 partner riba 4 isla.

20 aña di spar i troka

Dia 31 di yanüari na aña 1998 a introdusí Fun Miles na Kòrsou. Na 2001 a agregá Boneiru. Na 2004 i 2006 Aruba i St. Maarten tambe respektivamente. E programa ta te ku dia di awe sumamente popular: miembronan den forma masal ta troka nan puntonan ku nan a spar grátis pa kompra, biahe, gasolin, material di konstrukshon, kome na restorant i muchu mas. Semper Fun Miles a sobresalí ku kampaña i eventonan funtástiko.

Gert-Jan van der Meulen ta kontemplá futuro

Un di e puntunan ku a sobresali di e anochi tabata e spich di e direktor di Fun Miles, Gert-Jan van der Meulen. E’la tuma tempu pa gradisí tur ku ta forma parti di e éksito di Fun Miles i a mira bèk riba e diferente logronan di e kompania. Mas ku tur kos, e’la kontemplá futuro i a enfatisá ku Fun Miles for di su inisio ta un organisashon ku ta brasa inovashon i lo sigui hasi esaki tambe. E karchi di Fun Miles ku nos tur a kustumbrá kuné pronto lo habri espasio pa spar i troka ku un smartphone.

Un anochi yen di ‘fun’

Highway Band, grupo di baile D’Art i Rei di Tumba 2018 a pèrkurá pa un tremendo ambiente na Brakkeput Mei Mei. Partnernan di promé ora ku tin 20 aña kaba ku Fun Miles a wòrdu rekonosé i a risibí un ‘Chichi’: Kooyman, ENNIA, Restaurant Fort Nassau, Wulfsen & Wulfsen, McDonald’s i Curaçao Sea Aquarium.

Un aña festivo

Fun Miles ta ekstremadamente gradesido pa e sosten di su miembronan, partnernan, kaheranan, amigunan di prensa i naturalmente tur kolega. Komo muestra di gratitut, lo tin un ‘salú ku bolo’ pa tur hende, den transkurso di henter aña, esaki den forma di kampaña, evento i promoshon. No pèrdè niun detaye, sigui Fun Miles riba social media. Fun Miles  ta spera di por keda eksplorá e ‘fun’ huntu ku Kòrsou pa hopi aña mas.

Mas informashon tokante Fun Miles?

Tuma kontakto ku servisio na kliente na number 465 3300 òf WhatsApp 560 3300, òf bishitá funmiles.net òf facebook.com/funmiles.