WILLEMSTAD –Novèmber -2013-:- Dia 30 di Novèmber próksimo Sinterklaas i su Pietjesnan lo ta di bishita na Renaissance Mall & Rif Fort kuminsando for di 3’or di tardi. Pa hasi e bishita aki aún mas spesial Renaissance Mall & Rif Fort ta invitá tur mucha di Kòrsou i nan famia pa bin selebrá huntu ku Sinterklaas i su Pietjesnan. Pa por brinda e muchanan un ambiente festivo lo kombertí Renaissance Mall & Rif Fort den un sentro di dibertishon pa e muchanan na unda ku Sinterklaas i su Pietjesnan lo duna un show di baile tur afó kombiná ku diferente wega atraktivo. Kuminsando for di 1:30pm lo tin entretenimentu musikal di Dj Ro-1 ku lo sòru pa un tremendo ambiente. Ademas di esaki Renaissance Mall & Rif Fort lo brinda oportunidat pa Sinterklaas i su Pietsjesnan hasi entrega di regalo na e muchanan riba e dia aki. Mayornan ku ta deseá pa Sinterklaas hasi entrega di regalo por yama; 435-5023 òf 4355042 promé ku 26 di Novèmber, 2013. Ta bon pa rekordá un i tur ku ainda tin posibilidat pa sigui partisipá den e kampaña ‘Island Extravaganza’ di Renaissance Mall & Rif Fort i Carnaval Casino. Pa kada 25 florin gastá den kualkier establesementu tur kliente lo risibí un kupòn spesial pa por partisipá. Miembro di Carnaval Casino lo risibí un kupòn pa kada 25 punto ku wòrdu akumulá riba nan karchi di miembresia. Amantenan di weganan di mesa tambe por partisipá. Tur kupòn mester wòrdu depositá den e buzon den Carnaval Casino òf esun den Renaissance Mall & Rif Fort pa bo ta den e rifa pa gana e premio grandi kual ta un KIA Sportage 2014. Mayornan, hasi djasabra 30 di Novèmber próksimo un dia di famia i bishitá Renaissance Mall & Rif Fort di 3:00pm pa 6:00pm i disfrutá di un dia kontentu huntu ku Sinterklaas i su Pietsjesnan. Tur mucha ta bon biní pa hasi e dia aki unu inolvidabel.