Manera Fundashon J.A.G. a bin ta bisa ku nan lo bai tin un regalo pa Kòrsou su Karnaval 2018. I awe tardi a wòrdu firma e bunita akuerdo ku Sambil Shopping Mall kaminda ku elekshon Reina, Prens i Pancho Hubenil 2018 ta tuma lugá dia 21 yanüari próksimo.

Loke ta mas bunita ta ku entrada pa e elekshon aki lo ta GRATIS pa tur hende ku bin presensia e evento den Foodcourt di Sambil. Pues tur hende por sinti nan mes liber pa asina asistí ku hinter famia pa por apoyá i disfrutá di un tremendo shou. Tur esaki ta posibel danki na e koperashon di gerensia di Sambil i parti di loke a generá dia di apertura ofisial di Karnaval 2018.

Un súplika ta bai na tur bishitante di Sambil riba e dia aki,  ku no ta permití drenta ku nada di konsumo ya ku den Sambil na Foodcourt por kumpra tur loke ku ta deseá di kome i bebe, hasta por kumpra konsumo den Cinemark i bin sinta wak bo evento trankil den Foodcourt.

Riba e fotonan por apresiá momentu ku sr. Juni i sr. Luis di Sambil huntu ku algun empleado di Sambil i e embahadornan di Karnaval di 2017 tabata presente.