Willemstad- Ayera Aksel Cijntje, a risibí homenahe i rekonosementu di Minister M. Alcalá-Wallé. Miembronan di gabinete di Ministerio di Enseñansa, Siensia, Kultura i Deporte, a keda impreshoná ku e positivismo i determinashon di Aksel i disidí di kontribuí na un bon kousa.

Den kuadro di esaki miembronan di gabinete huntu a kolektá fondo pa yuda aportá ku kompra di t-shirts pa Aksel su tim ku ta organisá e kareda di handbike. Esaki lo tuma lugá djadumingu 14 di yanüari i lo sali for di Dolphin Suites Hotel (e lugá blou banda di e parkeo di Sea Aquarium) pa Westpunt i bini bek. Aksel ku su tim “You are a Hero” lo ranka sali for di 7or di mainta. Públiko por bai apoyé na kantu di kaminda i hasi donashon den e búzon di kolekta ku lo ta disponsibel durante di e kareda.

Djasabra 13 di yanüari próksimo tin e posibilidat pa hasi donashon tambe na Brionplein, kaminda Axel lo tei presente di 9or di mainta pa 16or di atardi. Aksel I su tim por wòrdu rekonosé na nan t-shirt: “You are a Hero”.