WILLEMSTAD – PSB Bank, Pueblo Su banko i orguyoso branding partner di Pueblo su Festival, lo duna oportunidat na pueblo di Kòrsou pa kumpra karchi na preis redusí durante Inskripshon di Tumba djadumingu awor dia 14 di yanüari na Curaçao Festival Center.

Pueblo Su Banko lo ta presente for di 2:00 di mèrdia te ku 6:00 di atardi i ta pone un total di por lo menos100 karchi di entrada general i 50 karchi di entrada Red Carpet disponibel pa Pueblo di Kòrsou na un preis speshal. Karchinan ku preis speshal pa entrada general lo kosta NAf. 60 i pa e sekshon di Red Carpet e preis lo ta NAf. 300.  Tur hende ta bin na remarke pa kumpra karchi na e preis speshal ku nos ta ofresé Djadumingu awor. Tene na kuenta ku lo no por paga ku sèn kèsh, pero únikamente dor di swaip bo karchi di banko of tarheta di kredito. Kada persona por kumpra un máksimo di dos karchi.

E invitashon ta na abo, Pueblo di Kòrsou, pa bishitá Curaçao Festival Center djadumingu awor dia 14 di yanüari di 2:00 pm te ku 6:00 pm i probechá kumpra bo karchi di Festival di Tumba 2018 na un preis speshal, kual PSB Bank ta hasi posibel.

PSB Bank, Pueblo Su Banko, ta deseá Pueblo di Kòrsou un dushi Festival di Tumba i temporada di karnaval.