WILLEMSTAD- Despues di a lansa e tarheta MCB/ AAdvantage MasterCard Black pa Business aña pasá, awor Maduro & Curiel’s Bank den un partnership ku MasterCard i American Advantage, a introdusí  e vershon pa konsumidó:  “MCB / AAdvantage MasterCard Black”. Djaweps último durante un evento “priceless” na Renaissance Hotel, Presidente di Bo Banko Amigu sr. Chicu Capriles, Representante di MasterCard sr. Daniel Acosta i Gerente General di Departamentu di BankCard Services di Maduro & Curiel’s Bank  sr. Patrick McCann a dirigí palabra na e grupo di kliente ku ta e proménan ku ta risibí e tarheta prestigioso aki. Pa e okashon di introdukshon di e tarheta prestigioso “MCB / AAdvantage MasterCard Black”  mayoria di e pakusnan na Renaissance ta ofresé e doñonan di tarheta “MCB / AAdvantage MasterCard Black” un pakete di deskuento pa asina hasi e eksperiensia di uso di e tarheta lokal aún mas agradabel. E tarheta “MCB / AAdvantage MasterCard Black” ta distinguí su mes for di e otro tarhetanan di krédito den Karibe Hulandes komo e tarheta ku 1) ta rekompensá ku Mia di AAdvantage, 2) ta ofresé un kantidat di benefisio impreshonante manera “EMV Chip” ku akseptashon rònt mundu, 3) Trip Cancellation, 4) Luggage delay, 5) Servisio ekstenso di Concièrge MasterCard Black, 6) Priority Pass pa akseso na tur aeropuerto rònt mundu 7) ta inkluí bo seguro di outo di hür rònt mundu, 8) ta duna bo seguro médiko di biahe (te un máksimo di  $125,000 pa kada miembro di famia, 9) ta dunabo protekshon pa pèrdida di maleta, i tur e benefisionan aki ta bálido hasta ora bo usa AAdvantage Miles pa paga bo biahe. E tarheta “MCB / AAdvantage MasterCard Black”, ku un límite mínimo di US$10.000,- tambe por wòrdu usá pa hasi kompra òf pa lanta plaka na tur Bankomatiko/ATM rònt mundu, kaminda e tarheta di MasterCard ta wòrdu akseptá. Durante  e anochi di introdukshon di e tarheta perstigioso aki, Maduro & Curiel’s Bank a rifa algun premio bou di e klientenan presente. Un biaha mas Maduro & Curiel’s Bank ta mustra ku Bo Banko Amigu ta é lider di inovashon den Karibe Hulandes. Pa mas informashon por tuma kontakto ku Bo Banko Amigu na 466-1111.