WILLEMSTAD – Djabièrne anochi e projekto musikal nobo ku ta karga e nòmber ‘ONE’ a tene nan konferensha di prensa ku a tuma lugá na Le’Ciel riba Caracasbaaiweg. Primeramente ONE a hasi uzo di e oportunidat aki pa gradisí pueblo di Kòrsou, Aruba, Boneiru, Hulanda y Reino kompletu pa e reakshonan positivo risibí pa ku e produkshonnan resien lansá. Den un periodo kortiku e produkshonnan aki a sa di logra number 1 I number 3 den e tòp di piesanan mas solisitá na radio emisoranan. Komo un agrupashon Músikal ku apenas 5 luna di eksistensia, ONE ta
súmamente satisfecho ku e paso nan ku nan a bin ta dal den farándula. Esei tabata e motivashon pa tuma e desishon pa kontribui na Karnaval di Korsou den su totalidat. Pa e temporada di Karnaval ku a kaba di inisia, ONE a harma un TIM kompletu. TIM ONE durante KARNAVAL 2018 Na promé lugá ONE ta super gradisido na e spònsernan ku a kere den TIM ONE. MCB i Licores Maduro no a duda niun momentu pa join I asina aportá, hasiendo posibel ku ONE por bai bria durante henter e temporada. Durante Gran Marcha ONE a ‘team up’ ku un grupo di karnaval nobo, ku for di promé instante a kere den ONE su potensial. Grupo di Karnaval ‘Bliss Curaçao’ 2 a sa di terminá den e 10 miho gruponan durante nan promé partisipashon den e Gran Marcha di aña pasá.

Grupo ‘Bliss’ su traje lo refleha un fantasia di ‘Art Deco’ durante Gran Marcha. Durante e parade di tiner, ONE lo akompaña un di e gruponan di mas grandi ku ta ‘I Love Hip Hop and R&B’. Komo e chèri riba e bolo, e maestro musikal, señor Randall Corsen a disidí di join TIM ONE komo director musikal durante e partisipashon di ONE na e Festival di mas grandi di Reino. ONE lo bai Festival di Tumba 2018 bou di direkshon di señor Corsen. Mas informashon tokante ONE su partisipashon na Festival di Tumba lo sali pronto. Sigui nos via e sistema di retnan soshal Facebook y Instagram: “OneCuraçaoMusic” pa e delaster desaroyo nan rondó di ONE. ONE tey pa TUR hende! Pueblo di Kòrsou, Aruba, Boneiru y Hulanda…..We are ONE!