Nos ta riba e bon kaminda

Willemstad-  E ultimo simannan Curaçao Zoo a kumisa risibi e atenshon neserario di diferente identidat gubernamental di un forma mas serio ku e ultimo seis aña nan tras di lomba, esaki na momento ku a vosifera e akshonnan ku lo wordu tuma a korto plaso. Nos presentashon na parlamento ta den un trajekto positivo i en espera di kontesta di presidente di parlamento i tambe e komishon fiho su aporte. Pa Januari2018  e team di Curaçao Zoo lo kontinua ku e trabounan di konstrukshon pendiente, entre nan rekonstrukshon di e muraya na Chuchubiweg pa garantisa seguridat di e animalnan ku ultimo tempu a bira e punto di atenshon pa ladronnan i sigur vandalismo kontinuo. E muraya aki lo konta ku un minimo di 2.5meter di haltura i adishonal e sistema di security fencing di 4 meter adishonal pa hasi entrada of salida di antisocial i of bestia kasi imposibel. Di parti di sra.Cathline Cicilia hefe di ROP nos ta risibiendo un koperashon nunka bisto ku nos ta sumamemente satisfecho kune. Minister di VVRP por ta orguyoso di e dama luchado aki ku ta sali na defensa di su país. I tambe sra. Emmylou Capriles di VVRP ku ta hasiendo su máximo esfuerso pa yuda Curaçao Zoo.

E kolaboradornan di ROP ku a bishita  nos awe ta sr. Winkel i sr. Barlowe, durante di e bishita sr. Winkel por a admira e magnitut di e projecto i a duna konseho pa aserka tur ministerio ku direkto of indirekto lo benefisia di e fruta, i tambe ku for di awor ta esensial pa yuda kanalisa e proseso di e diferente permit nan necesario , mas lihe logra pone tur nanishi i konosementu den e mes un direkshon sigur den korto tempu lo logra. Tantu sr. Winkel komo sr. Barlowe lo yuda nos den e prome siman di 2018 pa jena e petishon total di permit nan necesario pa den un biaha esaki kumisa kana e kamindanan korekto sin mas retraso, i entretanto nos ta  en espera di domein beheer pa e adaptashon di e meetbrief di Curaçao Zoo pa por sigui kanalisa e sobra trabounan ku mester sosode. Durante e ultimo seis aña nan ta hopi petishon nos a hasi ku no a duna  fruta, debi na e magnitut di e projekto kada un detaye los ta kai afo debi ku no ta tur hende  kier kompronde e totalidat. Loke ta e próximo paso pa e team di Curaçao Zoo ta pa hasi un petishon pa aprobashon total di e plan mahestro di e hardin botánico i zoologiko di korsou. Pa esaki dia 11 di januari pa 8or di mahinta lo tin un presentashon  den zoo kaminda tur medio di komunikashon i e kolaborador apunta pa kada ministerio invita  lo mester tei presente, pa asina mira i kompronde,  i por hiba e informashon bek na e ministerio pa e tramitenan nesesario wordu hasi a muy korto plaso.

E ta dimas bisa ku hopi detaye ta ripitishon tras di ripitishon i ku e team di Curaçao Zoo lo no asepta mas abuso di  burokrasia i lo keda vosifera e repudio i mal servisio den su programa radial Bestialidat! Na CNR88.9FM pa asina un i tur keda alerta i alabes vigila ku wowo di falki kon e ministerionan i tambe e aparato gubernamental ta hasi su trabou. I na momento di duna elogio pa e bon trabou tambe nos lo hasi esaki. Curaçao Zoo ta risibi subsidio minimo di 39.000  for di ministerio di Salubridat Publiko, Medio Ambiente i Naturalesa, esaki no ta logra kubri ni un tersera parti di e gastu operashonal di nos zoologiko nashonal,  kuminda di bestia balansa ta kosta bastante, pago di e servisio di seguridat sigur ta un post ku mester di solushon pe a korto plaso i pa kubri gastu di personal kualifika .Ta hopi punto di atenshon tin, e echo ku a permiti destrukshon of kambio di destinashon di mas ku binti dam for di seru di kokori te zapateer ta pone ku den e ultimo sesenta aña hopi daño na infrastruktura di no unikamente nos zoologiko a sosode sino hopi bario tambe, kualke adaptashon ku nos lo ke hasi mester tene debibo kuenta ku fayonan di pasado ku nos ta sufri bou di dje. E dam di kas kora sigur ta un punto di atenshon mayo debi ku aki mester atende ku e rapides i respet nesesarioku sigur nos lo denunsia pa pone un fin na kosnan robes ku a

Curaçao Zoo lo invita  e siguente miniseterionan, ministerio di Hustisia, ministerio di Desaroyo Sosial  Labor i Bienestar,  ministerio di Enseñansa  Siensia Kultura i Deporte , ministerio di Trafiko,Transporte i Planifikashon Urbano , ministerio di Desaroyo Ekonomiko   i tambe ministerio di Salubridat Publiko, Medio Ambiente i Naturalesa , tur e minisertionan aki tin e deber siviko di sostene i yuda desaroya nos zoologiko nashonal,  pa duna algún ehempel di e labor ku nos ta kumpli kune diariamente, nos ta traha riba ampliashon di konosementu di nos bishitantenan riba bestia, naturalesa i medio ambiente en general, banda di ta un sentro di rekreo familiar , nos ta fungi tambe komo área pa kumpli ku tareanan apunta dor di hues pa hoben i adulto ku tin ku paga bek na komunidat. Curaçao Zoo sigur por ta e atrakshon pa turismo familiar nr 1 na korsou.Tambe pa e banko di vakatura laboral  lo tin espacio pa personanan kualifika por tin un trabou den futuro, unabes e plan kompleto kristalisa nos ta papia di sigur 56 puesto fiho i entre 450 pa 500 pa personanan ku un of otro limitashon ku tambe lo forma parti di e team operashon den diferente área. E desaroyo di e parke tin ku mire komo e un verkavelingsplan, pa motibu ku kada hábitat di bestia i área berde mester tin un kaminda ta jega na dje, mester di liña di awa, fibra i koriente, vianan pa transporta awa natural pa. areanan di alasenahe i mas. Pa hasi e petishonan los ta bira un trabou muchu grandi i ku kambio di gobernashon regular Curaçao Zoo manera hopi otro projecto na korsou lo keda stagna pa semper. Nos ta invita tambe komishon fiho den parlamento di korsou  ku nos a bishita dia 27 di november ultimo pa nan tambe tei presente dia 11 di Januari 2018 i  alabes sa kon e trajekto pa formashon di e Blue Ribbon Committee  ta andando, pa Curaçao Zoo su desaroyo por ta duradero mester krea e komishon interministerial aki a korto plaso.