Junior Tecla i ‘VibeNation’ den ambiente grátis

WILLEMSTAD – Riba di dos dia di Pasku tin ambiente! Renaissance Curaçao Resort huntu ku Kandela Cigar Lounge ta presentá Junior Tecla i su banda ‘VibeNation’ riba di dos dia di Pasku. E ambiente ta kuminsá for di 6’or di atardi na e terasa di Nautilus Restaurant, pegá ku Kandela Cigar Lounge.

Importante hasi menshon ku e ambiente pafó lo inkluí dos bar di spesialidat presentá dor di Blue Bar di Renaissance i e otro di Kandela Cigar Lounge. Ámbos bar lo tin diferente spesial. Asina por menshoná ku entre 6:30PM i 7:30PM lo tin un happy hour na unda ku lo aksentuá e ‘Christmas Vibes’ ku bebidanan tambe. E ambiente parti pafó lo ta te ku 11’or di anochi.  Miéntras parti pafó e ambiente ta grátis ekskluyendo bebida, parti paden na Nautlius lo tin un bufèt. E ‘dinner buffet’ lo ta optenibel pa ANG 107.00,- pa persona, inkluyendo 15% kargo di servisio i 9% impuesto.

Disfrutá di e ambiente riba di dos dia di Pasku na Renaissance Curaçao Resort. Pa mas informashon por tuma nota di e kalènder di fin di aña riba www. facebook.com/renaissancecuracao For di awòki Renaissance Curaçao Resort ta deseá henter pueblo di Kòrsou dushi dianan di fiesta!