Ku 3x Fun Miles na Changes,Shana, Converse i ALDO Shoes

WILLEMSTAD – Riba djaweps 7 di desèmber próksimo tur ku ta shòp den nos sentro di siudat lo disfrutá di un show di moda festivo riba Plaza Jojo Correa, esaki durante di e anochi di kompra den Punda. Partnernan di Fun Miles Changes, Shana, Converse i ALDO Shoes lo presentá nan kolekshon di 7’or pa 8’or di anochi. Despues, entre 8’or i 9’or di anochi e pakusnan ta trit miembronan di Fun Miles, 3 bes mas tantu Fun Miles na kada kompra. E anochi ta primintí di bira tremendo, spesialmente pa tur esnan ku ta deseá di hasi nan kompra di fin di aña.

Kuater pakus, un show spektakular

Changes, Shana, Converse i ALDO Shoes ta uni forsa pa presentá e show aki. Changes (Madurostraat 21) ta konosí pa su asortimentu di sapatu deportivo, asesorio di marka i di kalidat. Shana (Madurostraat 34) ta un pakus ku un konsepto jòng i trendy for di Barcelona ku ta ofresé moda na preis rasonabel. Converse (Bredestraat14) ta legendario pa su kètsnan ‘street smart classic’, ku awendia fásilmente ta keda kombiná ku un shimis kasual òf sèt di bachi. ALDO Shoes (Bredestraat 7) ta un konsepto den 95 pais, sigur ora ta papia di sapatu i asesorionan di e último tendensia di moda. Tur e kuater establesimentunan aki ta ofresé kolekshonnan pa dama i kabayero.

Tokante Fun Miles

Na 2018, Fun Miles lo selebrá su 20 aniversario komo é programa di spar i troka mas grandi den Caribe. Miembronan di Fun Miles ta probechá kontinuamente di ofertanan spesial promoshon fun i eventonan manera e Fun Miles Fashion Show.

Mas informashon tokante Fun Miles?

Tuma kontakto ku servisio na kliente na number 465 3300 òf bishitá funmiles.net òf facebook.com/funmiles.