Renaissance Aruba Resort ta gradici tur bishitante

ORANJESTAD – NOV–  Renaissance Aruba por mira bek riba un exitoso prome edicion di ‘Rosé All Day’. “Nos ta masha contento cu e reaccion di parti publico y tur esunnan cu a experencia e prome edicion di ‘Rosé All Day’. Nos ta consciente cu tur evento nobo ta tuma un poco tempo prome cu publico custumbra cu’ne, sinembargo e ‘Rosé All Day’ di siman pasa a pasa su test y a demostra cu Aruba ta cla pa conceptonan nobo y diferente”.

Renaissance Aruba Resort y Arion Wine Company ta uni den un mensahe di gradicimento na tur cu a presencia un atardi realmente diferente cu un bahada di solo imprecionante.  Wilhelmina Park pa e diasabra ey a figura un Lounge area, un photobooth  y loke a hala hopi atencion ta e Dj ‘van’ den cual Joa Salas y Rustica a percura pa dushi musica! Tur cu a pasa riba boulevard por a nota e gruponan di amigo of pareha riba nan ‘blanket’ colorido ta disfruta di un atardi hopi ameno.

Na yegada tur bishitante a ricibi nan ‘basket di cuminda’, cu a inclui pita bread y hummus, beef sandwich, salada di fruta, salada vegetal y dessert di chuculati. Despues di esaki tur bishitante a ricibi na basket cu nan boter preferi di rosé, nan cup special di ‘Rosé All Day’, nan ‘blanket’ y un boter di awa.  Bishitantenan por a scoge entre e package di Relax Pink, Whispering Angel of e Champagne Bollinger. Durante di e evento waiternan a reparti Frosé (Frozen Rosé), mientras bishitantenan a disfruta di un atardi pa anochi di relahamiento.