Durante di konferensha i enkuentro di Accvent Holding Group na Curaçao Hilton
WILLEMSTAD Novèmber 20, 2013 – Forza, Klip Xtreme, Nexxt Solutions i Nuqleo- e kuater markanan internashonalmente rekonosé pa nan teknologia modèrno, ta optenibel na Kòrsou komo e mihó opshon pa merkado di IT den region. A presentá e produktonan i tur loke nan kapasidatnan ta, kombiná ku un plan modelo empresarial i loke e ta kapas di hasi den industria di IT pa henter region Caribense. Komo parti di e evento, ku a tuma lugar djamars mainta, representantenan di kada marka a hasi un presentashon di nan portofolio di produkto i a klousurá ku un asina yamá, enkuentro ‘multibrand’ na Hilton Curaçao Hotel. Loke ta hasi e proposishon di negoshi algu úniko ta ku tur 4 marka ta wòrdu respaldá dor di un tremendo tim komersial ku, komo parti di Accvent Holding Group, lo ofresé nan sosten, ekspertisio i kolaborashon riba base permanente. Tantu rebendedó i bendedó nobo i esnan eksistente den merkado di IT a haña oportunidat pa interaktivá ku e Mènèdjer di Benta Regional i su demas ehekutivonan, di e manera aki krea lasonan fuerte pa un relashon di trabou duradero. Ta e idea pa laga nan krese i garantisá ekspanshon di nan organisashon i operashonnan aktual, uzando e fórmula eksitoso komo yabi pa rentabilidat haltu den merkado lokal.
Tokante / Klip Xtreme / Nexxt Solutions / Nuqleo:
Ku nan base na Miami i miembro di Accvent, tur marka pertenesiendo na e grupo tin presensia den mas ku 25 pais i ta optenibel via di un kadena di distribuidornan outorisá na Merka, Latinoamérika i Caribe.
Forza Power Technologies ta un proveedor lider den ‘power protection’, ‘power conditioning’ ‘back-up management power solutions’. Su linea ekstenso di produkto ta konsistí di, e.o produkto, reguladornan di koriente sin interupshon, ‘surge protectors’, i sistemanan di energia konosí komo UPS. Klip Xtreme ta ofresé un variashon amplio di perifériko i e asesorionan di mas modèrno. Nexxt solutions a sá di kombèrtí su mes den un fábrika lider di un di lineanan mas kompleto di kabel i produktonan di konektividat den indústria. Nuqleo, ta e miembro di mas nobo den e grupo; dinámiko i ofresiendo e último modelo di telefonnan selular i tablets.