Habrí den wikènt i ku orarionan kumbiniente

WILLEMSTAD: Den transkurso di tempu Digicel a bin ta ofresé muchu mas ku telekomunikashon, i ta inová konstantemente di akuerdo ku último tendensianan den teknologia i segun nesesidatnan di su usuario. Pa Digicel e kliente ta sentral; un di e metanan primario ta, pa e usuario haña den Digicel un proveedor total, aki ta inkluí e mihó tarifanan, servisio, konektividat, data i entretenimento. Den esaki ta pensa semper kon pa ofresé e kliente un pakete ku ta ‘fit’ su bida diario.

E mesun pensamentu aki ta bin bèk den e diseño nobo di Digicel su kiosko na Sambil ku a keda habrí ofisialmente ayera. Digicel na sentro komersial Sambil lo ta un punto di servisio na unda e kliente por kumpra sim, top-up, kumpra telefòn den promoshon i paga nan faktura. Ademas di esaki, awor klientenan por bishitá Digicel na Sambil te ku 9’or di anochi den siman i te ku 8’or di anochi den fin di siman.

Apertura Digicel Sambil

“Awendia, nos tur ta purba alargá e dia mas tantu posibel ya ku ritmo di bida a subi konsiderablemente, orarionan ekstendé ta un di e maneranan kon Digicel ta fasilitá e kliente”, esaki di akuerdo ku Terrence Rombley, Director of Operations. “Hopi kliente a pidi nos pa un orario mas amplio òf pa nos ta habrí den wikènt tambe. E orarionan na Digicel Sambil ta kumbiniente pa ora bo no a logra pasa Digicel Megastore òf Brionplein den siman durante bo pousa òf den ora di trabou. Awó nos klientenan por pasa te 9’or di anochi di djaluna pa djasabra i ademas nos ta habrí riba djadumingu tambe.”  E apertura a keda efektuá pa ehekutivonan di Digicel huntu ku Dibo Doran, embahador pa Digicel Kòrsou. A selebrá ku músika di Dj Willy, presentashon di Curaçao Percussion Brass, bolo i limonada kòrá! Tambe a opsekiá e promé 50 personanan ku a hasi nan kompra na Digicel Sambil un entrada pa un pelíkula di nan eskoho na Cinemark.

Keda pendiente pa e re-apertura di Digicel Brionplein den transkurso di e siman aki i mas na fin di luna re-apertura di Digicel Megastore na Biesheuvel. Usuarionan próksimamente lo eksperensiá Digicel komo un proveedor total, na unda e mihó tarifanan, servisio, konektividat, data i entretenimento ta bini huntu i ofresé e kliente un eksperensia elevá. Digicel na Sambil ta habrí di djaluna pa djabièrnè for di 10’or di mainta te 9’or di anochi i riba djasabra i djadumingu for di 12’or di mèrdia pa 8’or di anochi. Pa mas informashon por bishitá e página di Facebook di Digicel www.facebook.com/DigicelCuracao òf www.digicelcuracao.com