WILLEMSTAD- NOV 2017:  Banco di Caribe ta anunsiá ku su ATM na Santa Rosa 184A i esun na Herst 31 ta operashonal atrobe.  Esaki sigur ta fasilitá klientenan residensiá den barionan di Bándariba. E dos ATMnan ta forma parti di e 32 mashinnan di ATM ku Banco di Caribe ta ofresé, di kua 6 ta stratégikamente posishoná na Bándariba. Klientenan i otro usuarionan por akudí na un ATM di Banco di Caribe pa lanta sèn, pidi saldo di kuenta, transferí sèn i si nan ta un kliente di Banco di Caribe por kambia ‘PIN’ tambe. Pa mas informashon òf un lista kompleto di tur ATM di Banco di Caribe i nan ubikashon por bishitá, www.bancodicaribe.com òf yama 432-3200.