Cpost International ta introdusí Community Mailbox den bario di Mundu Nobo. – ESO – Evento | Show

Willemstad- Manera ya ta konosí, Cpost a introdusí e konsepto di sentralisashon di pòstbúsnan na sitionan sentral den barionan di Kòrsou. Mundu Nobo lo ta e siguiente bario kaminda lo introdusí e konsepto nobo i moderno aki. Entrante 13 di novèmbèr 2017, e habitantenan di e bario ariba menshoná lo por rekohé nan karta na e Community Mailboxnan (C-boxnan) na e plenchi na Mundu Nobo banda di Misa di Coromoto den Charo. Dianan djamars 7 i djarason 8 di nòvember 2017, e habitantenan ku a risibí nan invitashon na kas por pasa entre 18:00 – 21:00 pa tuma informashon i nan yabi di Cbox na e plenchi na banda di Misa di Coromoto den Charo, kaminda e C-boxnan ta ubiká. E servisio di Community Mailbox ta kompletamente grátis.

Pa por risibí e yabi mester tin lo siguiente:

ID bálido (sédula, pasport òf reibeweis)
Un resibu di Aqualectra i UTS, pa asina nos verifiká bo adrès
Un ‘statement’ di banko, den kaso ku un di e resibunan ariba menshoná no ta disponibel, pa verifikashon di e adrès

Si akaso no ta un persona ku ta biba na e adrès en kuestion ta bin tuma e yabi di e buzón, e persona ei mester bini ku un karta di apoderashon (machtiging) firmá dor di e persona ku ta biba na e adrès, den kual e habitante ta duna outorisashon pa otro persona tuma yabi su di C-Box.

Loke ku e persona ku ta bin tuma yabi pa un otro persona mester bini kuné ta:

ID bálido (sédula, pasport òf reibeweis) di e habitante di e adrès
Karta di apoderashon (machtiging) firmá dor di e habitante di e adrès
Un resibu di Aqualectra i UTS, pa asina nos verifiká e adrès
Un ‘statement’ di banko, den kaso ku un di e resibunan ariba menshoná no ta disponibel, pa verifikashon di e adrès
ID bálido (sédula, pasport òf reibeweis) di e persona ku ta bin tuma e yabi

Ta bon pa menshoná ku Cpost lo keda ku únikamente e karta di apoderashon den kaso ku esaki keda presentá. Tambe e persona lo risibí un notifikashon via di un email. Pa mas informashon por tuma kontakto ku Departamentu di Servisio na Kliente na telefòn 433-1342 òf por manda un e-mail na customerservice@cpostint.com.