Willemstad- Novèmber -2013; “Nos ta masha kontentu ku e akohida ku e yegada di Sanikolas tabata tin durante di fin di siman. HUCOR Holding ta gradisí nos komunidat, den nòmber di Subway, Pizza Hut i KFC pa kere den su restorantnan i hasi nan e faborito riba nos isla. Ademas di esaki ta na su lugar pa felisitá Fundashon Pa Nos Muchanan ku un tremendo organisashon i realisashon di un magno proyekto manera ta esun di ‘E Yegada di Sanikolas’. Brionplein tabata brota alegria i felisidat di nos muchanan, esaki mester ta refleho di nos komunidat tambe”, esaki di akuerdo ku Sr. Randy Maurera, representante di Hucor Holding. Tur tres restorant Subway, Pizza Hut i KFC riba Brionplein a ofresé un menú spesial pa mucha riba e dia di yegada di Sanikolas. Míles di mucha kontentu, ku nan mijter di Sanikolas di Subway, Pizza Hut i KFC a aglomerá riba Brionplein pa gosa di kanto, baile i presentashon di Sint i su Pietnan. E Maskotanan, Subman, Chicky i Pizza Man tambe a djòin e marcha di bon bini; klaro ku nan a dediká atenshon na tur mucha sakando potrèt i gosando di e ambiente. Riba fotonan athuntu por haña un impreshon di e partisipashon di Subway, Pizza Hut i KFC komo ko-patrosinador di e aktividat na okashon di yegada di Sanikolas. E maskotanan, Subman, Chicky i Pizza Man tabata den full swing!