Willemstad – Riba djabièrnè 20 di òktober 2017, Landsloterij a duna sinku instansha un donashon en konekshon ku su 65 aña. E sinku instanshanan aki ta envolví ku proyektonan sosial den nos komunidat.

E donashon aki a keda entrega pa Minister di Finansa Sr. K. Gijsbertha i tambe e direktora interino di Landsloterij Sra. J. Drenthe. E instanshanan ku a keda skohe ta, Fundashon Pro Alfa, Fundashon Pro Bista Kòrsou, Fundashon Hubentut Santa Maria i Santa Maria Pirates, Verpleeghuis Betesda i tambe Verslavingskliniek Brasami. Kada instansia a risibí un montante di Ang. 5000,- florin pa asina invertí den proyektonan spesífiko ku nan tin den nan organisashon.

Landsloterij ta yama pueblo di Kòrsou danki pa e sosten ku nos a haña durante tur e añanan aki.