Exclusivo y traha na man!

ORANJESTAD – OCT– Diasabra awor dia 21 di october, bo ta keda invita pa un ‘Henna Shopping Afternoon’ na Renaissance Marketplace. E diseñador di joyas Rita Serjant ta diseña y elabora joyasnan exclusivo uzando piedranan precioso, perla y material yena cu oro.  Loke ta haci nan exclusivo ta cu, cada piesa ta 100% traha na man y no ta keda reproduci.  Pues tur ta unico! E linea di joyas di Rita Serjant ta inclui cadena, ‘chokers’, armband, hanger, renchi di dede y orea. Tanto pa e dama y e cabayero.  Rita Serjant ta distingui su mes dor di crea  acesorio y joyasnan cu ta accentua cualke paña- di den dia of un anochi elegante. Diasabra awor lo tin oportunidad di compras y lo tin algun piesa na preis reduci. Ta combina e ‘shopping’ cu un artista di henna cu lo aplica e henna tattoo gratis pa tur presente.  E ‘Shopping Afternoon’ lo cuminsa 4’or di atardi. Riba e atardi aki, lo presenta e coleccion nobo di Rita Serjant tambe.