Òktober, 2017 – WILLEMSTAD:  E aña aki ta e di 4 edishon di KLM Marathon i e ta primintí di bira grandi. Te ku awor ya kaba tin registrashon di partisipantenan for di 23 pais pa e máratòn ku lo tuma lugar dia 26 di novèmber próksimo aki na Kòrsou. Restorantnan di  HUCOR Co. Holding NV tambe lo ta partisipando komo patrosinador na e gran evento deportivo aki. Lo tin 4 diferente ruta, dunando oportunidat na tur hende pa partisipá. E ruta di 42.2 km ta sali 4’or di mainta, esun di 21.2 km ta sali 6’or di mainta, 10.5 km ta sali 6:30, di 10 km ta sali 7’or di mainta i finalmente esun di 5 km ta sali 7:30.

Por registrá tur djaweps, djabièrnè i djasabra na Subway, KFC i Pizza Hut. Tur tres restorant a bin ta aportá grandemente na eventonan deportivo i kultural di nos pais, i awor ta pendiente pa e KLM Marathon tambe. Inskribí riba djaweps dia 19 di òktober na Pizza Hut Sta. Maria entre 11:30AM i 2:30PM, riba djabièrnè dia 20 di òktober próksimo na Subway, KFC i Pizza Hut na Brionplein entre 11:30AM i 2:30PM  i tambe djasabra dia 21 di òktober na Subway i KFC na Sta. Rosa entre 11:30AM i 2:30PM.  Pa esnan ku inskribí i paga promé ku dia 20 di òktober, e organisashon di KLM Marathon ta duna oportunidat di risibí nan nòmber imprimí riba nan number di partisipashon . Pa mas informashon por bishitá e websáit www.curacaomarathon.com   Tuma nota ku por inskribí tur djaweps, djabièrnè i djasabra na Subway, KFC i Pizza Hut, por mira  e  skedjùl ku oportunidat di inskripshon riba social media di tur 3 restorant.