WILLEMSTAD- OKT 2017:  Awor Banco di Caribe  tin un ATM na Universidat di Kòrsou dr. Moises da Costa Gomez (University of Curaçao, UoC). E pensamentu pa ubiká un ATM na universidat di Kòrsou ta netamente pa fasilitá e studiantenan, tur trahadó i bishitante. Awor nan por hasi uso di e ATM pa lanta sèn, pidi saldo di kuenta, transferí sèn i kambia ‘PIN’. UoC tin alredor di 2000 studiante repartí den e diferente fakultat- i programanan akadémiko, un ATM sigur lo fasilitá nan. Banco di Caribe ta masha kontentu ku e logro aki. Djarason último, sr. Dito de Kort a bishitá UoC pa huntu ku rèktòr magnificus, Dr.  Francis de Lanoy abri e ATM ofisialmente. E studiantenan tabata mashá entusiasmá ku e idea, ku awor nan tin nan propio ATM.  

Ademas di e ATM na UoC, tin e filial di Banco di Caribe na Sta. Maria tambe.  Einan, studiantenan por pasa pa abri kuenta,  apliká pa BdC Online i otro transferensianan bankario. Pa mas informashon òf un lista kompletu di tur ATM di Banco di Caribe i nan ubikashon por bishitá nan wèpsait, www.bancodicaribe.com òf yama 432-3200