WILLEMSTAD – 17 oktober 2017.. Durante e siman 13-19 di November 2017 ta organisa e di tres edishon di Global Entrepereneurship Week (GEW). Esaki ta un initiativa internashonal ku ta wordu organisa den mas ku 170 pais, ku tur ta miembro di e “Global Entrepreneurship Network”.

Fundashon “Negoshi Pikiña” (FNP) tin e lisensia pa organisa e evento aki riba e islanan di Antiyas. E fundashon aki a organisa durante 15 ana diferente projekto eksitoso, enfokando entre otro riba empresa chiki, na tur nivel di skol i edukashon. E ana aki tambe ta ofrese diferente workshop pa entrepreneur lokal. Esmas, e top orador internashon David Meltzer di Merka tambe a konfirma su partisipashon. Sr. Meltzer tin 25 ana eksperensia komo top entrepreneur den e mundu huridiko, entertainment, Tech i deportivo. Ku su kompania Sports 1 Marketing ela negosha entretantu $2 biyon na kontratonan deportivo.

Sr. Meltzer ta e keynote speaker durante e apertura ofisial di GEW, i alabes lo hasi e keynote durante e fundraising luch riba 14 di november 2017. Karchi pa esaki (NAF175 pa persona) lo ta obtenibel riba un termino kortiku. E meta di e organisashon di e “Siman di empresario” aki, ta pa keda stimula empresarionan, tantu esunnan ku a kaba kumisa pero tambe ya kaba establese. Stakeholders manera Kamera di Komersio, Curaçao Development Institute (CDI) i tambe Bureau Intellectuele Eigendommen (BIE) ya kaba a konifrma nan sosten. E workshops ta tuma luga riba 14 y 15 di November 2017. Inskripshon pa esaki ya kaba por tuma luga via e wepsait www.gewcuracao.com .

Pa mas informashon por bai www.gewcuracao.com of www.facebook.com/gewcuracao