Dia 15 di òktober a ser proklamá komo dia internashonal di stòki, kual selebrashon ta tuma luga pa mas ku 50 aña kaba. Ku e stòki blanku ta referí na esun ku strepi kòrá ku blanku ku personanan ku problema ku bista ta usa. Tur aña, Fundashon Pro Bista ta pone atenshon riba e dia aki. E aña aki Fundashon Pro Bista ta para ketu na e adaptashon den e infrakstruktura di tráfiko ku a tuma luga rondó di e edifisio di Fundashon Pro Bista, dor di konsientisá e usado di kaya nan kon pa tene kuenta ku e infrakstruktura nobo aki.

Hunto ku klientenan di Fundashon Pro Bista i diferente Minister ku nos a invitá, kende tambe ta bai usa e stòki i simulashon di nos kliente nan, ta bishitá un establesementu den bario, teniendo kuenta ku tur e kaya i trottoir nan adaptá speshalmente pa nos klientenan.

E mainta aki nos lo termin’é huntu ku nos kliente nan na Starbucks na Mambo. Un danki ta bai for di aki pa e invitashon di Starbucks.