Agensia Curaçao Foods Trade e aña aki a tene e di dos edishon di e kampaña “Like A Girl”, [Manera Mucha Muhé] pa motivá mucha muhenan. E frase “Like A Girl” ta para pa un mensahe positivo: Mucha muhé ta un ser fuerte, balioso i ku por tur kos. Inisiador di e konsepto aki ta e marka di produktonan ALWAYS. Durante e kampaña a kompartí e mensahe positivo di “Like A Girl” i eduká tokante auto-estima. E reakshonnan positivo riba esaki ta remarkabel. Ta importante pa sigui inspirá mucha muhenan pa ta sigur di nan mes.

Dia 28 di òktober próksimo, e kampaña aki lo kulminá ku un evento final den kual mucha muhenan lo kompetí ku un show i mensahe positivo pa hobennan. E evento aki ta konta ku varios artista invitá, entre otro Dibo D, Aemy Nia Feliz i ku músika di DJ Krokzz. Segun representante di Curaçao Foods Trade: “ALWAYS ta un marka di produkto impartante pa mucha muhenan den e fase di hubentut. Nos ta orguyoso di e kampaña aki i ta invitá tur hoben pa bin presensiá nos evento final.”

Riba foto por mira representantenan di e kampaña i tambe informashon di e evento final. Pa mas informashon tokante e kampaña aki i e show di dia 28 di òktober próksimo por bishitá www.Facebook.com/LikeAGirlCuracao .