KRALENDIJK, òktober 2017 –  Nos ta den e siman kulminante; esaki t’e siman den kual Boneiru lo selebrá e 50 aniversario di Regata! E aña aki Nagico Insurances a prepará pa huntu ku Boneiru selebrá i a pèrkurá pa algun detaye ku sigur lo asentuá e anochinan di konsierto i e boat party riba djasabra. Huntu ku e goso, selebrashon i ambiente di kada un di e artistanan ku lo presentá, Nagico Insurances tei!

Patrosinio Bonaire Regata 2017

Esaki ta di dos bes ku Nagcio ta ko-patrosiná e Bonaire Regata; ta invitá pueblo di Boneiru pa tuma nan Nagico ‘bam bam’ tur anochi promé ku konsierto i asina disfrutá kada presentashon. Tambe lo tin Nagico ‘beach balls’ pa asentuá e anochinan i e tremendo boat party di djasabra awor. Keda pendiente di bo radio preferí, ya ku Nagico Insurances lo ta hasiendo bishita ku chèns pa oyentenan gana premio.

E oferta di Nagico Insurances, kambia awe i spar mañan ta habriendo oportunidat pa hopi boneriano resta un poko mas sèn den e pòtmòni. Na momentu ku bo kambia pa un seguro di outo di Nagico, bo ta spar sigur 15% of mas riba bo seguro di outo eksistente. Ademas, ku Nagico bo no ta pèrdè bo ‘no claim discount’ den eventualidat di un aksidente. Bishitá ofisina di Nagico Insurances na Kaya Gilberto. F. Betico Croes #2 òf yama 717-3022 pa abo tambe kambia bo seguro di outo awe mes! Spar awe, ya mañan bo por disfrutá!