Aruba tin un herencia culinario rico!

ORANJESTAD – OKT– Esaki ta e luna pa disfruta di locual cu ta netamente di nos; bisando esey, Renaissance Marketplace ta invitabo pa bishita Aged, Cuba’s Cookin’, Cafe The Plaza, Sea Salt y Le Garage- tur e restaurantnan menciona tin un menu special durante di e luna aki, ofreciendo un ‘fixed price’. Renaissance Marketplace ta ofrece un variacion gastronomico grandi. Por haci mencion di por ehempel e ‘Indulge Aruba Platter’ di Aged Winebar cu ta obtenibel pa $30 y cu por wordo comparti facilmente dor di 2 persona. Tambe ta recomenda, e lunch menu di Cubas Cookin’ cu ta obtenibel pa $15 of e dinner menu consistiendo di un aperitif, plato principal y dessert pa $30. Meta di e luna culinario ta principalmente pa mas hopi hende experencia restaurantnan local.

Café The Plaza, ya ta ampliamente conoci, e aña aki nan tambe ta ofrece un lunch menu ($15) of un dinner menu di e.o un Surf & Turf consistiendo di un Tenderloin di 4 oz y Shrimps ($30) y naturalmente un dushi dessert. Si nunca bo a yega di bishita Sea Salt of Le Garage esaki ta un bon oportunidad!  La Garage ta specialisa den cushina Frances y specialmente pa Eat Local Month tin un dinner menu- three course di $40 consistiendo di e.o un dushi sopi boullabaisse como entrada, of un  mahi-mahi como plato principal y un Baileys crème brûlée pa finalisa e anochi.  No keda sin bishita Sea Salt Grill; specialisa den sea-food y cushina Caribense. Nan tambe ta ofrece un lunch menu ($15) consistiendo di e.o un dushi pan bati cu keshi of un dinner menu ($30) di e.o un Paella crioyo!

Pa mas informacion bishita e pagina di facebook di Renaissance Mall & Marketplace of restaurantweek.aruba.com na unda por haña e menu completo di tur restaurant y oportunidad di haci reservacion mesora.