For di dia 10 pa 17 di òktober próksimo

WILLEMSTAD:  For di dia 10 pa 17 di òktober próksimo Digicel su establesimentu na Brionplein lo ta será pa renobashon.  Unabes ku e renobashon ta kompletá klientenan lo por bai disfrutá di un establesimentu ku ta konta ku un interior moderno, aspektonan digital i multimedia den kual servisio na kliente ta sentral. E renobashonnan lo bai fasilitá e kliente tambe den su futuro bishitanan; transakshonnan lo bai mas fásil i lihé.

Digicel ta konsiente ku e establesimentu na plasa Brion ta unu masha stimá, e ta fásil pa klientenan ku ta trafiká den nos sentro di siudat i ta pegá ku stashon di bus. Sinembargo, e renobashon ta nesesario pa sigui duna un bon servisio na tur kliente. Tuma nota ku durante di e dianan di renobashon, por bishitá Connections den Breedestraat na Otrobanda òf por akudí na Megastore, Biesheuvel. Digicel ta pidi klientenan diskulpa pa kualke inkumbinensia ku e renobashonnan por trese kuné.  Despues di e renobashon na Brionplein, lo sigui ku esun di Megastore na Biesheuvel. Pa mas informashon bishitá e página di Facebook di Digicel www.facebook.com/DigicelCuracao òf www.digicelcuracao.com