Curaçao International Film Festival Rotterdam ta super honra, ku e pelíkula, ku aña pasá tabata nominá pa Yellow Robin Award, ta kandidato tambe pa nominashon premio Oscar pa mihó pelíkula ekstranhero.

Ku Kòrsou su Yellow Robin Award ta di un kalidat haltu, esei a keda demostrá un biaha mas, na momento, ku a bira konosí, ku e pelíkula Ayiti mon amour di Guetty Felin ta un dje pelíkulanan kandidato pa nominashon komo mihó pelíkula ekstranhero. Mas orguyoso nos ta sinti nos komo ku Curaçao International Film Festival Rotterdam tabata e festival ku ta tin e estreno mundial di e pelíkula aki. Nos siguiente edishon di Curaçao International Film Festival Rotterdam, lo tuma luga di 11 pa 15 di aprel 2018.