Nos ta organisa un seminario den e siman di 16 pa 20 oktober benidero.

Djabièrnè 15 sèptèmber 2017, Compliance & Forensic Services Caribbean a selebrá su 20 aña di éksistensia. Ta ún persona a inisiá e kompanía na 1997 i awor nos ta un kompanía sólido, ku empleadonan na un establesimentu di Aruba i Kòrsou. Nos ta operá desde e dos isla akí i ta atendé for di nan tambe den ‘(Dutch) Caribbean’ i Sürnam.

Compliance & Forensic Services Caribbean a traha duru e último lunanan pa preperá su mes pa e siguiente 20 aña. A deseñá logonan nobo i nos ofisina na Kòrsou i Aruba tin entretantu mesun estilo kompletamente. Tambe nos a adaptá nos wèpsait den mesun estilo www.forensic-caribbean.com. Tin informashon disponibel di nos servisionan, nos kalendario,di  treinin, notísia i informashon di nos business partnernan mundialmente. Compliance Services Caribbean ta ofresé servisio (i treinin) riba tereno di Compliance pa yuda kompanianan kumpli ku leinan vigente i pa evitá iregularidatnan. Forensic Services Caribbean ta ofresé servisio pa yuda na momento ku algu a bai robes tòg.

Den kuadro di nos di 20 aniversario nos ta organisá un konferensia dia 16 i 17 di òktober na Aruba i dia 19 i 20 di òktober 2017 na Kòrsou. Ambos isla lo tene seshonnan spesífikamente relashioná ku Forensic IT ku énfasis riba e riesgonan ku servisionan di Cloud i Internet ta trese kuné, e último atakenan di ‘cyber’ i kon pa protehá bo organisashon kontra di nan. Un di e oradornan lo ta Sr. C. Prickaerts di FOX-IT, un kompanía renobrá na Hulanda. Lo tin tambe un seshon dirigí riba ‘Compliance’ ku lo enfoká riba integridat i e resultadonan di e ‘bankierseed’ manera esaki ta tuma lugá na Hulanda i tambe riba e fenómeno di ‘de-risking’ / ‘Correspondent Banks’. Pa e seshon akí lo tin kuater orador i nan lo elaborá riba diferente tema di e  situashon aktual te na ‘blockchain’ – posibilidatnan di ‘FinTech’.

Na un okashon mas despues lo duna un charla na e públiko general tokante di prevení ‘fraude’ ku dato personal, e peliger ku tin na momento di usa Cloud i e meta i motibunan pa kumpli ku leinan vigente riba Compliance.