TDS resientemente a informá ku 3 kanal den e pakete básiko a kuminsá transmití solamente den e formato di High Definition, kanalnan 30-82 i 304. Esaki porta pa hopi kliente no tabata komprendibel i hasta a pensa ku ta un strategia di TDS. Mundialmente teknologia ta avansá i kanalnan di televishon no ta un eksepshon. Si nos por uza Kòrsou mes komo ehèmpel, Nos Pais TV i TV Direct ta 2 kanal ku ta transmití eksklusivamente den e formato High Definition (HD).

TDS, pa brinda e servisio mihó na tur kliente i ku outorisashon di doño di e kanal(nan) aki, ta kambia e señal hasié Standard Definition ya e ora ei tur kliente por risibí e señalnan ariba menshoná. Esaki atrobe ku outorisashon di e doño di e kanalnan!

No ta tur kanal ta bai di akuerdo ku esaki. Esaki ta e kaso últimamente ku vários kanal a kuminsá kaba  anunsiando ku nan lo stòp òf a stòp, di transmití den e formato Standard Definition i lo kontinuá eksklusivamente den e formato High Definition HD. Alabes e kanalnan ta prohibí pa mishi ku e kalidat di nan señal pues hasi e señal Standard Definition (SD). Na e momento aki, kasi tur hende Mundialmente tin televishon High Definition/Smart den nan kas, i pa e motibu aki kasi tur kanal ta kambia bai over na e formato di transmishon HD.

TDS NO por wanta e desaroyo aki atras i pa e motibu aki e ta duna TUR kliente ku ainda tin bòks SD, pa kambia esakinan pa únikamente ANG8.00 pa luna èkstra pa periodo di 4 luna, asina nan por sigui disfrutá di e kanalnan preferí, pero awor den un kalidat hopi mas haltu.

Notifikashon a Sali kaba pa TDS di kanalnan ku lo stòp di transmití SD:

E skema di kambio pa HD ta lo siguiente:

1 Novèmber 2017            Lo kambia bira HD

ESPN     700         HGTV    303         TNT        440

1 Desèmber 2017             Lo kambia bira HD

TCFM    26           SportsMax1        696         SportsMax2        697         FOX+ Action       506

Ainda falta mas kanal ku lo stòp ku e formato SD i no ta outorisá TDS tampoko pa kambia nan señal pa SD. TDS ta bolbe rekordá ku e ta un kompania ku ta retransmití señal y no ta doño di kanal. Un biaha mas TDS kier a pidi un diskulpa pa si e informashon no tabata komprendibel pero ta spera ku awor si klientenan ta komprond’é e motibu ku a kambia i lo bai kambia sierto kanalnan den futuro di formato pa HD so.